Video
Read full review
2022-07-29
203 views
👫放假去行Donki，先喺附近食dinner。呢間餐廳位於利基大廈較近淘大嘅一側，weekend傍晚時間堂食、外賣都幾多人。🥢無骨炸雞 全份 $64一份有八隻雞翼，仲要已經預先去骨，啱晒懶人。咬落去熱辣辣，香脆爆肉汁，肉質亦都特別嫩滑。雞翼醃得好入味，口味係偏港式嘅椒鹽。估唔到港式炸雞可以咁好食😍😍😍。🥢雞軟骨 $30呢款係店員姐姐特別推介我哋點嘅。同樣係椒鹽調味，雞軟骨一啲腥味或者羶味都冇。口感乾身爽脆，果然冇推薦錯。🥢車仔麵 麵底超大，大概平時食開嘅1.5倍。除咗腩汁，仲有得揀埋辣汁或者秘味。👦🏻貪辣汁夠香，👩🏻就鐘意秘汁類似沙嗲嘅香甜味道。一人一碗食埋兩隻就啱啱好。我哋大推咖喱魷魚🦑，$15有出面$30嘅份量😂，最緊要煮得夠耐，吸晒醬汁(秘汁!?)，同埋真係細細個食開嘅咖喱魷魚味道。$11嘅炸豬扒超出色，肉質唔嚡又多汁。感覺上佢哋好識醃嘢同炸嘢🤪。另外$7有兩塊勁大塊泰式魚餅，又係好抵食。
🥢無骨炸雞 全份 $64一份有八隻雞翼，仲要已經預先去骨，啱晒懶人。咬落去熱辣辣，香脆爆肉汁，肉質亦都特別嫩滑。雞翼醃得好入味，口味係偏港式嘅椒鹽。估唔到港式炸雞可以咁好食😍😍😍。
🥢雞軟骨 $30
呢款係店員姐姐特別推介我哋點嘅。同樣係椒鹽調味，雞軟骨一啲腥味或者羶味都冇。口感乾身爽脆，果然冇推薦錯。
🥢車仔麵
麵底超大，大概平時食開嘅1.5倍。除咗腩汁，仲有得揀埋辣汁或者秘味。👦🏻貪辣汁夠香，👩🏻就鐘意秘汁類似沙嗲嘅香甜味道。一人一碗食埋兩隻就啱啱好。
我哋大推咖喱魷魚🦑，$15有出面$30嘅份量😂，最緊要煮得夠耐，吸晒醬汁(秘汁!?)，同埋真係細細個食開嘅咖喱魷魚味道。
$11嘅炸豬扒超出色，肉質唔嚡又多汁。感覺上佢哋好識醃嘢同炸嘢🤪。另外$7有兩塊勁大塊泰式魚餅，又係好抵食。
Post
