Eiffel Bistro (Closed)

由外國人主理嘅法式餐廳Eiffel Bistro，場內座位舒適而且燈光氣氛都唔錯，HAPPY FRIDAY收工同男朋友黎食下先🌹。普羅旺斯雜燴 $68由櫛瓜、甜椒、茄子、番茄同洋蔥等食材製作嘅法式經典大雜燴，各種蔬菜加上番茄醬嘅配合，味道香濃而且酸酸甜甜咁又帶有蔬菜嘅清爽口感，食落係非常之咁清新開胃🤤。虎蝦忌廉濃蝦汁扁意粉 $198十分之有驚喜嘅虎蝦意粉，上枱一刻已經聞到好香嘅鮮蝦香味，意粉掛汁做的好好所以望落去色澤均勻，每條意粉食落都充滿著香濃蝦汁，完全唔會乾好juicy ，虎蝦肉味道香濃得嚟保持到鮮嫩口感，絕對係我今年食過最正嘅意粉，個人俾足10個笑蝦蝦推介👍🏻。香蕉榛子朱古力醬法式薄餅 $98一直都好鍾意呢種朱古力醬製作嘅甜品，而佢哋就較特別咁用上法式薄餅配搭，味道都無令人失望，香蕉味道清甜，榛子朱古力醬夠晒香甜濃郁，法式薄餅鬆軟口感令層次豐富好多，正👍🏻。