Video
Read full review
2008-11-21
83 views
19-11-2008又一行勁多人掃場, 今次 16 隻窮鬼0黎呢度窮食一餐:- 椒鹽鮮魷: 熱辣辣, 粉漿薄薄一層, 雖然唔脆, 但魷魚肉好嫩滑, 好食.- 薑蔥魚卜煲: 只食了一 「抽」魚卜, 爽口惹味, 幾好食.- 椒鹽雞軟骨: 熱辣辣脆卜卜又鹹鹹的; 可惜無飲啤酒啦.- BB 鴿: 身邊的朋友 K 好欣賞, 我就麻麻 -- 皮極薄脆, 但無乜肉食, 有肉食0個幾忽就幾乾0鞋, 唔0岩食.- 豉汁盤龍鱔: 幾肥美, 不過豉汁味勁搶, 味道亦太鹹, 比上不足比下有餘.- 泡椒魚頭: 唔好睇佢紅 bok bok 好似好多辣椒, 其實辣味主要來自薑粒, 食到舌頭痹晒 @_@"- 油鹽水浸花甲: 幾韌, 不過幾鮮甜無沙, 還不錯.- 炆斑尾: 幾鹹0下的汁蓋過魚鮮, 不過食落嫩滑, 幾好食.- 炸子雞: 朋友 K 食了一件話「勁正」及「好滑」, 我夾了件雞翼, 食落就覺得皮好脆, 肉好0鞋, 而且食店話佢用鮮雞, 我就食唔出雞味, 不過而家 10 碟雞有 9 碟都唔係鮮雞0黎0架啦, 算吧; 配角蝦片就脆口得0黎好乾及無味.- 油泡田雞: 肉滑, 不過無味道, 唔0岩食
又一行勁多人掃場, 今次 16 隻窮鬼0黎呢度窮食一餐:
- 椒鹽鮮魷: 熱辣辣, 粉漿薄薄一層, 雖然唔脆, 但魷魚肉好嫩滑, 好食.
- 薑蔥魚卜煲: 只食了一 「抽」魚卜, 爽口惹味, 幾好食.
- 椒鹽雞軟骨: 熱辣辣脆卜卜又鹹鹹的; 可惜無飲啤酒啦.
- BB 鴿: 身邊的朋友 K 好欣賞, 我就麻麻 -- 皮極薄脆, 但無乜肉食, 有肉食0個幾忽就幾乾0鞋, 唔0岩食.
- 豉汁盤龍鱔: 幾肥美, 不過豉汁味勁搶, 味道亦太鹹, 比上不足比下有餘.
- 泡椒魚頭: 唔好睇佢紅 bok bok 好似好多辣椒, 其實辣味主要來自薑粒, 食到舌頭痹晒 @_@"
- 油鹽水浸花甲: 幾韌, 不過幾鮮甜無沙, 還不錯.
- 炆斑尾: 幾鹹0下的汁蓋過魚鮮, 不過食落嫩滑, 幾好食.
- 炸子雞: 朋友 K 食了一件話「勁正」及「好滑」, 我夾了件雞翼, 食落就覺得皮好脆, 肉好0鞋, 而且食店話佢用鮮雞, 我就食唔出雞味, 不過而家 10 碟雞有 9 碟都唔係鮮雞0黎0架啦, 算吧; 配角蝦片就脆口得0黎好乾及無味.
- 油泡田雞: 肉滑, 不過無味道, 唔0岩食.
- 豉油王炒麵: 10 年無食過, 呢度的炒得乾身上色, 勁有鑊氣, 不錯.
- 炸大腸: 脆口, 帶少少臊味, 一般肥, 蘸上酸甜汁, 都幾好食.
- 古法羊腩煲: 呢個唔係好得... 羊肉好韌, 無羊味; 連腐竹都係硬掘掘的, 掃興.
另外仲有一碟菠菜及一碟豆苗, 但唔夠搶的關係, 無食到.
人多需要張大檯, 坐了入鋪位, 結果迫到要 「立食」 , 哈哈哈.
埋單每人 $120, 雖然 ended up 超支了 , 0野食亦唔太0岩口味, 但成晚嘻嘻哈哈鬼殺咁嘈, 係開心的一晚. 多謝食友 R 的安排!
Post
