Pokka Cafe (荃灣千色匯II)

Open Now

Now Closed

明天七一放假，今天又收早，即時call咗阿仔早啲去 pokka cafe 食個tea當晚飯。食tea嚟講，千色店這間pokka cafe 環境好又就腳，又容易搵位，係幾好嘅選擇。呢個餐牌有兩款意粉揀。我同阿仔都係意粉迷，而佢更是明太子愛好者，佢當然會選這個珍珠帶子意粉配明太子汁啦！而我就比較喜歡羅勒所以選擇了這個羅勒醬鮮蝦意粉。這個羅勒醬鮮蝦意粉上面的炸牛蒡絲脆卜卜，撈埋軟林林既意粉一起食，豐富了口感，Good! 這間分店的意粉通常會胖上香草油，我喜歡將意粉加上香草油食落更加美味！唯一一彈的就是那些蝦肉粒實在太細粒喇！至於那個珍珠帶子意粉配明太子汁，望落都覺得好味，明太子醬的味道剛剛好，但不知為何夾雜住少少蟹殼味。兩個意粉都好好味，作為一個早食晚餐，七十幾蚊一位，非常化算！