心日本料理 (Closed)

第一次寫食評，因應間餐廳真係好值得推介，超有人情味，食材超新鮮，價錢合理又好食。收工想食日本野，又唔想食平時食開既餐廳，所以搵左間小店試下。一坐底已經覺得好有feel,傳統日式小店裝修，好有風味。老闆介紹有咩新鮮食材，有池魚，鯛魚，金目鯛等等，最後叫咗個極上刺身拼盤，有8款刺身，分別有海膽，大拖羅，帶子，牡丹蝦，同3款時令嘅魚刺身。樣樣都好好食好新鮮！海膽有紫菜跟，老闆仲好細心，話如果紫菜淋左可以同佢換。其實你睇相都知有幾新鮮，有幾好味，當中三款時令魚真係好鮮味之後叫左美人蠔，師傅調好咗味，一夾就食得，非常飽滿，味道非常鮮甜，食得出好新鮮。跟住仲叫左小小燒物，有牛舌，雞皮餃子，同燒飯團。牛舌勁厚，係真係勁厚！燒得好好，好有口感，入口又勁juicy,真係好好食！！另外雞皮餃子好特別，雞皮包住舊肉，熱辣辣勁香勁好食！！反而飯團無咩特別。因為牛舌同埋雞皮餃子，我一定會再返去！之後食得咁上下，d staff 會問你滿唔滿意，好唔好食，又會不停幫你加熱茶，服務勁好勁nice,之後問我地夠唔夠飽，再介紹左兩款壽司同燒豆腐。其中一款叫「腦天」，所謂腦天即係吞拿魚頭頂既肉，一條吞拿魚得兩大舊，口感軟滑