老荔冰室

Open Now

Now Closed

呢日經過荔枝角青山道嘅時候，突然比呢間餐廳吸引住，超多霓虹燈加埋門口嗰個戲棚元素，即刻去睇吓入面嘅環境，發現入面嘅裝修都好特別，好多打卡位，於是就睇吓餐牌，點知原來餐牌都真係好有驚喜！一睇就已經有好幾樣嘢想叫！呢度啲食物真係勁高質，另外都要讚吓，其實呢度餐廳都加咗唔少小心思，杯碟上面嘅謎語真係睇到我哋哈哈大笑！呢度嘅沙嗲牛份量比我想像中多好多，而且個醬汁比較特別，我食到有少少麻辣味，但係亦都覺得有啲甜甜地嘅Undertone，呢個味道幾特別。另外一樣我覺得必點嘅，就係佢哋個熱香餅漢堡，冇諗過沙嗲牛同熱香餅會咁襯，熱香餅嘅蛋香好濃。當然啦，加埋糖漿一齊去食又係另外一個味道，總括而言好似一碟嘢可以食出幾個層次，真係好厲害。甜品方面，金莎朱古力留心西多士就真係好多張枱都有叫嘅，朱古力真係做到流心效果，西多士亦都炸得好酥脆！