Video
Read full review
2018-06-27
102 views
今晚同媽媽嚟到旺角一間私房菜食飯，位於譽發廣場嘅八樓，好近油麻地地鐵站，落車行幾步就到非常方便！入到去環境設計風格好有特色，每台都好有私人空間，而且燈光充足，感覺寬敞明亮，令人坐到好舒服！睇下餐牌，菜色選擇多樣化，有啲中菜館少見嘅嘢都有！例如:脆皮德國鹹豬手有大拇指嘅都係佢哋嘅推薦菜式，我自己本身就好鍾意食酒樓嘅炒龍躉，見到佢哋呢度都有龍躉兩味 $388，就已經心心眼😍但我地得兩個人怕點太多會食唔晒，同時心大心細又想試吓其他菜式，所以我就揀咗菜遠炒龍躉班球 $238上枱果然無令我失望，龍躉應該油泡過，皮變得有點微脆，同時保持煙韌口感，我最鍾意食龍躉皮！食完嘴黏黏，感覺勁有骨膠原，肉質又鮮美嫩滑，差唔多成碟都我食曬~木桶藥膳豬手 $128本身諗緊要德國鹹豬手定木桶豬手好，媽媽話怕鹹豬手會熱氣，所以最後揀咗呢個！呢個都好有驚喜，湯頭非常鮮甜，藥材味夠濃郁！媽媽都數晒佢用咗啲咩藥材，仲大讚用料豐富~感覺呢個同鹹豬手嘅分別就係呢個多數係食佢啲筋同埋豬皮，而鹹豬手就應該係多啲肉食。佢呢個嘅豬皮整得好軟滑，係邊位燒得有少許硬，筋膜層煙韌，份量好多，整體感覺好抵食！好搞野啫啫通菜煲 $118估唔到通
入到去環境設計風格好有特色，每台都好有私人空間，而且燈光充足，感覺寬敞明亮，令人坐到好舒服！
睇下餐牌，菜色選擇多樣化，有啲中菜館少見嘅嘢都有！例如:脆皮德國鹹豬手
有大拇指嘅都係佢哋嘅推薦菜式，我自己本身就好鍾意食酒樓嘅炒龍躉，見到佢哋呢度都有龍躉兩味 $388，就已經心心眼😍
但我地得兩個人怕點太多會食唔晒，同時心大心細又想試吓其他菜式，所以我就揀咗菜遠炒龍躉班球 $238
上枱果然無令我失望，龍躉應該油泡過，皮變得有點微脆，同時保持煙韌口感，我最鍾意食龍躉皮！食完嘴黏黏，感覺勁有骨膠原，肉質又鮮美嫩滑，差唔多成碟都我食曬~
木桶藥膳豬手 $128
本身諗緊要德國鹹豬手定木桶豬手好，媽媽話怕鹹豬手會熱氣，所以最後揀咗呢個！
呢個都好有驚喜，湯頭非常鮮甜，藥材味夠濃郁！媽媽都數晒佢用咗啲咩藥材，仲大讚用料豐富~
感覺呢個同鹹豬手嘅分別就係呢個多數係食佢啲筋同埋豬皮，而鹹豬手就應該係多啲肉食。
佢呢個嘅豬皮整得好軟滑，係邊位燒得有少許硬，筋膜層煙韌，份量好多，整體感覺好抵食！
好搞野啫啫通菜煲 $118
估唔到通菜同韓國年糕個組合咁得意😎平時啫啫煲嘅菜式都會偏油同咸，呢度完全無呢個感覺！炒得唔油膩之餘，調味適中，配料仲好豐富，有好多肉碎同蝦米，食落更加惹味！
最後飯後甜點仲有冰鎮菠蘿送，真係好貼心！食完清甜解渴，今晚超滿足！
佢地仲有獨立房提供，下次屋企人生日都打算book房黎食～
Post
