駒記海鮮大排檔

Open Now

Now Closed

耐冇喺香港食過大排檔，今次嚟到呢間大排檔環境好乾淨👍🏻啲碗筷都係冇油漬！呢點真係好抵讚😍店員都好友善，而且啲嘢食都幾有鑊氣🙌🏻避風塘炒細蟹（$300）雖然佢話係細蟹，但係出到嚟都幾多肉😍同埋想讚下係膏蟹嚟㗎！所以都食到好多膏💗嚟到都仲係熱辣辣，調味上都啱啱好！椒鹽大瀨尿蝦（$100）隻瀨尿蝦又真係幾多肉下，瀨尿蝦海水味都幾重、同埋食得出幾新鮮😳潮州滷水拼盤（$104）呢個滷水拼盤係超大份，而且有勁多配料😆有鵝腸、豬耳、墨魚、腎、大腸、豬頸肉同滷水豆腐🤩所以攞嚟餸酒真係一流🍷蒜蓉燒生蠔（$95/兩隻）佢啲生蠔成個手掌咁大！而且蒸得啱啱好😍真係有種喺大陸食蒜蓉燒生蠔嘅味道！