一喜車仔麵

Open Now

Now Closed

之前食過佢嘅車仔麵，非常满意。就好似其他食評所講咁😋。今日想試生菜鱼肉（外賣），由於事前已打電話落單，嚟到店員好快遞上。但我好鍾意佢哋嘅菜莆😬,坐低打開加。點知有個疑似老闆嘅男人走埋嚟問「加啲麻油好嘛？香啲」，我話好，佢就幫我落。跟住又拎支胡椒粉嚟問我落啲好唔好？😅我梗係好啦！嘩！我完全無問過佢哋要，佢係發自內心覺得咁樣好味啲而自動幫我😍。喂呀，大佬，我唔係大客仔，只係買碗魚肉咋！點可能咁好㗎？！🥹返到屋企食，發覺驚為天人咁好味，因為啲魚肉係好似淨鯪魚肉，一啲粉都無。啲生菜大大片又爽，我已係焗住返屋企先食。証明佢哋用嘅生菜好新鲜同埋煮嘅時間控制得好好👍🏽。再加埋佢嘅麻油、胡椒粉簡直係我食過最好味嘅生菜魚肉。希望佢哋會．一直保持呢個水準😉