天空虎嘯

Open Now

Now Closed

今晚男朋友帶我嚟咗天后嘅「天空虎嘯」食晚餐，真係超期待！餐廳入面環境好靚，同時好有格調，燈光柔和，令人感到好舒適，成個氣氛超正🥳。呢度嘅蒸氣海鮮火鍋好出名，我哋就決定試吓，果然無令人失望！無論食物，環境定係服務我地都滿意！真阿拉斯加長腳蟹海鮮蒸氣刺身套餐＄888👅刺身頭盤頭盤已經非常吸引，有花龍蝦、加拿大象拔蚌、北海道帶子、法國銀鱈魚、赤身、日本室樽生蠔同酒漬赤蝦，每一款刺身都係新鮮仲要厚切，口感真係一流！👅新鮮野菜盛合野菜種類豐富，配埋海鮮一齊食更健康，清甜可口，係補充纖維之選。👅法國野生深海白鱈魚呢個白鱈魚肉質鮮美，加埋特製嘅醬汁，味道更加豐富，每一啖都有層次感。👅蘇格蘭刺身帶子（海草配西京麵豉）刺身帶子非常鮮甜，配上海草同西京麵豉，味道係意想不到嘅清新同鮮美，非常驚喜！👅阿拉斯加長腳蟹（每2位半隻）呢個阿拉斯加長腳蟹真係正到爆，肉質鮮嫩甜美，加埋少少醬油已經非常好味。👅鮮北海道北寄貝呢個北寄貝好新鮮，口感脆口，味道鮮美，配埋蒸氣真係掂到漏油。「天空虎嘯」真係一間好值得推薦嘅蒸氣海鮮火鍋店，每款海鮮都好新鮮、環境舒適、服務到位，真係食得開心又滿足！