龍德樓 (Closed)

最近疫情嚴峻，無辦法夜晚堂食，唔想煮的話，外賣是其中一個選擇，而住何文田的附近其實都好多餐廳，今日就到龍德樓買外賣。龍德樓屬正宗中式餐廳，裝潢也很地道中國風，最衰無堂食，相信堂食會更好氣氛。我們點了這裡出名的幾道菜，有黃金蝦球，臘味煲仔飯，蜜桃咕嚕肉，仲有鮑魚花膠尚品煲，另外再點了兩碗湯，一碗五指毛桃燉章魚🐙，一碗杏汁菜膽燉白肺，在點多個白飯就剛剛好。黃金蝦球是鹹蛋黃炒的，炒得特別香，送飯撈埋鹹蛋汁一流。臘味煲仔飯就勝在多臘味，仲有臘肉，絕對夠食啦。鮑魚花膠尚品煲就真係一流啦，又有營養又補，而且味道剛剛好，就算唔食飯都可以只吃菜，冬天最啱食呢個。蜜桃咕嚕肉就外皮夠脆，味道酸酸甜甜夠曬開胃。最後仲有兩碗湯，好好味的湯，兩碗都咁滋潤。龍德樓廚藝水準屬實不錯，下次可以再幫襯。