Video
Read full review
2020-06-09
1239 views
尋日約左一個好耐無見的素食朋友，本來打算去食旺角的無肉食的，但係因為佢係食開純素，而咁啱中環個間無用食係純素餐廳，同埋佢話佢朋友之前食過，有好多款唔同的甜品，所以就揀左去食。中環的無用食屬於中上環中間，係中環過去行到扶手電梯再過啲轉上去就到，開頭可能啱啱開門唔係好多人，之後都越來越多人，其實都幾多人食呢間素食店，可能因為88-148蚊，可以有一個main course再加自助餐，其實真係好抵食，我地揀左食沙嗲金菇粉絲猴頭菇，佢的鑊氣好足，好好味，之前都有聽過用炸猴頭菇來整咕嚕肉，今次呢個都係炸猴頭菇，都好有食肉的質地。仲有一個唔係真乾炒牛河，係肉左新的unlimeat，係一種仿韓牛（都係我個friend話我知先知)，呢個牛河同樣鑊氣十足，味道同真係食緊牛河係無分別，而且但牛真係好出色，值得大家一試，推介推介👍🏻。自助吧方面有好多嘢食，有湯、中西式甜品、青菜、炸物、前菜小食、飲品等，擺盤整親乾淨，但係因為我地食左個main，胃放唔落咁多嘢，所以唔係每樣野都可以試到，前菜我食左羽衣甘藍、秋葵、珊瑚草、蓮藕、青瓜，我比較鍾意同覺得最特別係珊瑚草，好爽好好味，朋友話佢營養係好高，而個日的西湯係
中環的無用食屬於中上環中間，係中環過去行到扶手電梯再過啲轉上去就到，開頭可能啱啱開門唔係好多人，之後都越來越多人，其實都幾多人食呢間素食店，可能因為88-148蚊，可以有一個main course再加自助餐，其實真係好抵食，我地揀左食沙嗲金菇粉絲猴頭菇，佢的鑊氣好足，好好味，之前都有聽過用炸猴頭菇來整咕嚕肉，今次呢個都係炸猴頭菇，都好有食肉的質地。
仲有一個唔係真乾炒牛河，係肉左新的unlimeat，係一種仿韓牛（都係我個friend話我知先知)，呢個牛河同樣鑊氣十足，味道同真係食緊牛河係無分別，而且但牛真係好出色，值得大家一試，推介推介👍🏻。
自助吧方面有好多嘢食，有湯、中西式甜品、青菜、炸物、前菜小食、飲品等，擺盤整親乾淨，但係因為我地食左個main，胃放唔落咁多嘢，所以唔係每樣野都可以試到，前菜我食左羽衣甘藍、秋葵、珊瑚草、蓮藕、青瓜，我比較鍾意同覺得最特別係珊瑚草，好爽好好味，朋友話佢營養係好高，而個日的西湯係磨菇湯，我本身都好鍾意食磨菇，所以都好鍾意呢個湯，加上佢啲菇菇切得細細粒，好濃好多好足料，就算覺得飽都會好想問佢，因為真係好好味。
最後甜品我揀左紫薯蛋糕、抹茶brownie、士多啤梨撻、曲奇餅、紐約cheesecake，其實每款都好好味，brownie就比較飽肚同抹茶味比較濃，食一件已經有飽肚感，我朋友就好鑽意cheesecake，因為佢食純素，好耐無食過可以食的芝士蛋糕，但係我就覺得係好努力做比純素，但味道可能未必太合我自己口味，士多啤梨撻我會比較希望係餅底，呢家的酥皮比較淡少少味，而我最鍾意就係紫薯，佢的質感好正，軟軟地和紫薯味濃厚，而個底就用左同曲奇一樣的餅底。
但係98蚊可以食到咁多嘢，真係抵到爛，而且質素唔差，重點係main course好食。以下評分以5⭐️為滿分
⭐️⭐️⭐️⭐️
Post
