Video
Read full review
2008-07-07
33 views
五月十六日, 我哋今個星期一早 book 位, 一定要去「穴」試吓!! 原來如果多幾個人嚟呢度食午飯, 一定要 book 位, 否則實叫你坐吧檯....我哋為咗可以嚟試吓, 所以同事星期四已經打咗電話嚟 book 七位啦!最後, 成八個人嚟食飯, 打開餐牌, 價錢又真係唔貴喎~~ $40 - $90 左右, 大部份都係 $45 - $55 呢個價, 又有湯又有前菜又有小食又有雪糕, 仲有三件三文魚, 超抵呀!!呢個係我叫既「辣汁豬扒飯」($48), 個樣好得喎~~食落冇想像中咁辣, 但如果食飯嚟講, 呢個辣度個人覺得啱啱好!啲豬扒都炸得幾香幾脆, 白飯合格, 麵豉湯都唔錯,左邊果件我哋估咗好耐都唔知係乜, 最後食落口先知係芋頭仔, 唔鹹唔甜咁, 清清哋幾好食,仲有前面果碟係酸菜同辣菜, 又爽又脆又酸又辣辣哋, 幾好味喎~ 其實我哋揀既每個餐都有跟三件三文魚, 都算幾新鮮, 旁邊係昆布, 都幾得意喎~~成個餐都幾健康, 又好食, 啲三文魚又唔錯, 個飯又夠飽 (我都有啲飯食唔晒),仲要後來冇加一, 即係真係位位埋單 $48 咋, 超抵呀!! 唔怪得之咁 full 啦! 呢個係同事食既「
原來如果多幾個人嚟呢度食午飯, 一定要 book 位, 否則實叫你坐吧檯....
我哋為咗可以嚟試吓, 所以同事星期四已經打咗電話嚟 book 七位啦!
最後, 成八個人嚟食飯, 打開餐牌, 價錢又真係唔貴喎~~
$40 - $90 左右, 大部份都係 $45 - $55 呢個價,
又有湯又有前菜又有小食又有雪糕, 仲有三件三文魚, 超抵呀!!
呢個係我叫既「辣汁豬扒飯」($48), 個樣好得喎~~
食落冇想像中咁辣, 但如果食飯嚟講, 呢個辣度個人覺得啱啱好!
啲豬扒都炸得幾香幾脆, 白飯合格, 麵豉湯都唔錯,
左邊果件我哋估咗好耐都唔知係乜, 最後食落口先知係芋頭仔, 唔鹹唔甜咁, 清清哋幾好食,
仲有前面果碟係酸菜同辣菜, 又爽又脆又酸又辣辣哋, 幾好味喎~
其實我哋揀既每個餐都有跟三件三文魚, 都算幾新鮮, 旁邊係昆布, 都幾得意喎~~
成個餐都幾健康, 又好食, 啲三文魚又唔錯, 個飯又夠飽 (我都有啲飯食唔晒),
仲要後來冇加一, 即係真係位位埋單 $48 咋, 超抵呀!! 唔怪得之咁 full 啦!
呢個係同事食既「辣汁雞扒飯」, 啲雞扒都好正咁喎~
仲有「滑蛋豬扒飯」, 同事都話好好食呀!
最後仲有甜品 -- 「芝麻雪糕」(另外仲有雲尼拿曲奇), 都好好味呀!!
午市套餐都有好多選擇架~ 而我哋全部人都選咗「和風飯盒」既食物,
呢度啲質素真係幾得喎! 仲有又唔係貴, 下次真係要試吓個「雜錦刺身飯」($88) 先得!
更詳細資料及圖片請看 : http://hk.myblog.yahoo.com/joycewai616/article?new=1&mid=7628
Post
