黑布小巷 (木蘭苑) (Closed)

今次去到炮台山既台式外賣小店，主打台式爆漿吐司，另有滷肉飯同台式小吃。吐司價錢由$46-$55，另加$20就可以換購台式小食/加$8-$10換購台式飲品，價錢相當經濟。慢烤雞腿芝士蛋吐司吐司外脆內軟，雞髀會先去骨即叫即煎，雞肉嫩滑多汁，芝士醬加了牛奶調成，更香濃更滑，日本蛋煎到半熟流心，切開一刻，蛋汁和芝士汁即刻飛濺而出，真係十分邪惡。黑松露焦糖洋蔥大啡菇蛋吐司大啡菇吸收曬焦糖同洋蔥既甜味，再加上黑松露提昇味道層次，岩曬素食人士。古早味手工滷肉飯 自製滷水慢煮豬腩肉，半肥瘦豬腩肉略帶甘香，肉質軟腍，滷肉同滷汁分量十足，伴飯一流！花枝丸配淮鹽花枝丸彈牙，裡有粒粒墨魚肉，淮鹽份量夠好，不會過咸。黑布台式香腸台式香腸表面脆卜卜，口感結實，內裡肉汁飽滿帶點肥肉，味道就似吃豬肉乾。甜不辣配酸辣醬三大片甜不辣，口感煙韌，配酸辣醬好開胃。