Video
Read full review
2020-10-14
454 views
星期五下晝攞咗假去觀塘整啲嘢，搞掂已經成三點鐘，可以食下午茶，慳番幾蚊😍。雖則話呢兩日涼返少少，但太陽都好勁，所以懶得周圍行搵嘢食，就去咗同一幢大廈嘅商場層食嘢算，我同朋友食咗「Ben哥米線」。環境無乜特別，坐得尚算闊落，不過比較好嘅地方係枱面貼咗好多食物介紹，咁客人就自然有多啲資訊揀食乜😉。下午茶時段由下午2點開始，底價$39包兩款$7餸同指定湯底，其他湯底補$2，另外再送埋冷熱飲品。餐廳仲好準確咁幫你計埋最多慳$10🤣！午餐時段就有其他優惠。點餐紙非常清晰，會清楚説明各款湯底有乜配料，如果唔啱就自行走咗佢👍。餐廳賣嘅米線湯底頗為特別，有幾款都想試。由於晏食飯，所以我哋加咗幾樣小食🙈，加上米線份量本身都多，我哋飽到晚飯都無食。除咗特式湯底外，米線亦有兩款比你揀，就係原味同五穀米線，我諗大部份人都揀🌈彩虹五穀米線吧！五穀包括原味、蕎麥、玉米、黑米同高梁，老實講味道食落係同普通米線無分別，不過唔駛加錢，又色彩繽紛啲，諗唔到唔揀嘅原因。芫茜菠菜湯米線，我唔係芫茜控🌿，勉強接受到佢陣味，但絕對唔會專登食佢嘅製品。不過朋友嗌到，為食嘅我就梗係會試下。湯底呈綠色💚，主要係因為有大量菠菜蓉。湯底飲
星期五下晝攞咗假去觀塘整啲嘢，搞掂已經成三點鐘，可以食下午茶，慳番幾蚊😍。雖則話呢兩日涼返少少，但太陽都好勁，所以懶得周圍行搵嘢食，就去咗同一幢大廈嘅商場層食嘢算，我同朋友食咗「Ben哥米線」。
環境無乜特別，坐得尚算闊落，不過比較好嘅地方係枱面貼咗好多食物介紹，咁客人就自然有多啲資訊揀食乜😉。
下午茶時段由下午2點開始，底價$39包兩款$7餸同指定湯底，其他湯底補$2，另外再送埋冷熱飲品。餐廳仲好準確咁幫你計埋最多慳$10🤣！午餐時段就有其他優惠。
點餐紙非常清晰，會清楚説明各款湯底有乜配料，如果唔啱就自行走咗佢👍。餐廳賣嘅米線湯底頗為特別，有幾款都想試。
由於晏食飯，所以我哋加咗幾樣小食🙈，加上米線份量本身都多，我哋飽到晚飯都無食。
除咗特式湯底外，米線亦有兩款比你揀，就係原味同五穀米線，我諗大部份人都揀🌈彩虹五穀米線吧！五穀包括原味、蕎麥、玉米、黑米同高梁，老實講味道食落係同普通米線無分別，不過唔駛加錢，又色彩繽紛啲，諗唔到唔揀嘅原因。
芫茜菠菜湯米線
113 views
0 likes
0 comments
湯底飲落幾清喎🤤，芫茜味唔算太出，反而菠菜味濃，所以我覺得只要唔怕芫茜味都可以一試，唔錯！呢款唔辣的，亦無得加辣。米線幼身，口感彈牙。
餸料要咗牛丸($7餸)、韓國魚蛋($7餸)同肥牛($10餸)，牛丸得兩粒，正常貨色，可以省略唔嗌。韓國魚蛋有驚喜，係大大塊魚糕🍢，喺麵舖有得食都算難得。🐮肥牛片大約有五片，感覺抵過牛丸。
沙嗲豬骨湯米線
52 views
0 likes
0 comments
湯頭真係超有誠意，令人難忘，無諗過食米線會遇到如此出色嘅沙嗲湯😋。沙嗲湯並唔係落咗花生粒🥜嗰隻醬(點串燒用)，而係落咗洋蔥去餚煮，辣度輕微兼惹味🌶。唯一可挑剔嘅地方就係湯底質感稠糊(杰身)咗啲，油份亦較高，相對保溫啲(食哂成碗都仲熱)，但米線口感就無另一碗咁Q彈，浸淋咗少少。
餸料要咗紫菜($7餸)同花枝卷($8餸)，紫菜抵食，份量超多又索湯。🐙花枝卷好食，真材實料食到花枝肉，但得一條感覺削咗啲...。
五色雞翼
$38
17 views
0 likes
0 comments
麻辣墨魚頭
$28
35 views
0 likes
0 comments
尖椒皮蛋
$18
18 views
0 likes
0 comments
腐乳通菜
$22
14 views
0 likes
0 comments
飲品🥤要咗凍奶茶同凍檸檬蜜糖，原價$7都算抵。同樣地，點餐紙有得剔少甜少冰等選項。
總括嚟講，呢餐完全係開心大發現，懶得行嘅情況下發掘咗間特色湯底米線店😆。呢日試嘅兩款湯都好正，一濃一清，各有千秋，其他米線舖真係唔會有得食。餸料就普普通通，反而小食更值得一試。可能由於開喺商廈入面，餐廳下午四點就Last Order‼️，唔做晚市兼星期六日。如果放假想食，就要去其他分店。題外話，店員姐姐們都算有禮貌。
Post
