小清邁 (柯士甸大廈)

Open Now

Now Closed

小清邁尖沙咀柯士甸路15A號柯士甸大廈地下A號舖今日啊媽無煮飯，叫我自己叫外賣返屋企食，行過柯士甸道呢間泰國鋪，比佢既香味吸引左我停留，望返個menu見到選擇都幾多，而且個價錢又唔算太算，好快就決定到今晚既晚餐了。提提大家，呢間係外賣店黎架，所以只限賣外賣。海鮮炒飯海鮮款式包括有蝦、魷魚、蜆肉，而且飯同海鮮既份量都幾多，炒得好香而且飯炒得好乾爽，粒粒分明，炒到咁好食真係好考技巧，重點係返到屋企個炒飯都重係熱架。黃咖喱炒軟殼蟹呢個黃咖喱簡直不得了，好香好濃郁既味道，重要有少少蛋香，而且咖喱唔會太辣，辣度適中，怕辣既朋友完全唔洗擔心，配合埋個軟殼蟹脆卜卜，浸落個咖喱汁之後都唔會蓋過佢原先既道味，又唔會太過熱氣，氣隻軟殼蟹都大大隻，簡直係回本之選。油酥餅非常鬆軟，返到屋企都重係熱辣辣，配上啖啖咖喱汁，簡直食到停唔到口。