Schnurrbart German Pub and Restaurant (Closed)

今日男朋友生日，就要帶佢食一啲有格調嘅餐廳。所以就選擇左德國菜，貪佢夠大份之餘，又夠得體。所以我哋就去咗中環呢一間德國餐廳。食得德國菜就一定要食德國豬手，呢度嘅德國豬手好香脆，亦都夠大份。上碟已經幫你切好咗，所以唔使咁麻煩就已經食得。豬手焗得好香脆，外皮好鬆化，肉質亦都好淋，亦保持粉嫩嘅感覺。另外都配左一個薯蓉，牛油味好香，好好味！不過我個人唔鍾意德國酸菜，因為覺得太酸，所以我就冇食到，評價唔到。另外我哋都好鍾意食德國腸仔，所以就叫左德國腸拼盤。佢可以單點的，所以我哋叫咗四款腸，其實我都唔識分邊隻打邊隻，總之全部都幾好味！最後我哋兩個都食得好飽，大家都好滿足。