桃園眷村 (Closed)

由於我們比老豆早到咗啲，所以老豆就叫我們喺旺角朗豪坊入面揀吓去邊間食晚飯！而我們就揀咗呢間裝修得都幾時尚，而且好有文藝風格嘅「桃園眷村」食晚飯！一開始我們諗緊叫咩嚟飲嗰陣，店員就同我們講話他們嘅豆漿係新鮮即磨，所以我們就叫咗紅棗豆漿同黑糖珍珠豆乳嚟飲先，紅棗豆漿係熱飲，飲第一啖就覺得非常芳香幼滑，而且有淡淡微甜嘅紅棗香味！而黑糖珍珠豆乳就係凍飲，除咗有煙韌彈牙嘅珍珠之外，豆味亦更加香濃！而喺等待緊嘅時候，我們就好奇問店員點解會叫「桃園眷村」？店員就同我們講解話：「因當時整條村啲男生都去咗當兵，而一眾嘅家眷們就聚集埋一齊去整一啲民間小食，而經他們嘅改良，將臺灣同上海crossover，就變成而家他們嘅出品！」芝士蛋燒餅、熏肉蛋燒餅同功夫辣鷄腿燒餅嘅燒餅好大件同好酥脆薄身，而且餅面舖滿晒芝麻，所以味道更加芳香，至於餡料方面芝士蛋嘅味道比較清淡，唔會好膩滯，熏肉蛋嘅熏肉煎得好香口惹味，而功夫辣鷄腿就係我們嘅必食推介，因鷄腿嘅肉質非常鬆軟嫩滑，醬汁嘅辣度亦啱啱好同相當醒胃，真係超正呀！台式香腸蔥蛋飯糰同肉鬆青瓜飯糰嘅飯質感好煙煙韌韌，唔會太過腍身，所以口感比較豐富，香腸蔥蛋一咬落去就成個口都係