薈軒 (Closed)

今日下午我們喺灣仔附近做完嘢之後去咗合和中心嘅「薈軒」飲下午茶！我們叫咗玉蘭帶子腸粉嘅腸粉好軟滑薄身，入面包著嘅餡料有玉蘭即爽脆嘅翠玉瓜同鮮甜嘅帶子粒，夾埋一齊食，令到口感相當豐富！翠綠鮮蝦雲耳餃嘅餃皮相當晶瑩剔透，可以好清晰咁睇到入面塞滿晒餡料，真係超足料，而且食落感覺好清新！薈軒蝦餃皇嘅餃皮好煙韌薄身，蝦肉非常爽甜彈牙，而且好大隻！蟲草花牛肉球嘅肉質非常嫩滑多汁，牛肉味相當濃郁，芫茜嘅味道亦好清香，再加埋蟲草花一齊食，質感更加爽口軟滑！銀絲牛肉粉卷嘅外層係軟滑嘅粉卷，入面包著係鮮嫩嘅牛肉條同粉絲，味道相當鮮味！黑椒牛肉粒嘅肉質非常鬆軟嫩滑，牛肉味相當濃郁，配上香辣嘅黑椒汁，令到味道更加惹味！川芎白芷燉魚雲一上碟嗰陣，打開個煲蓋就有一股濃烈嘅藥材味香氣撲鼻，材料相當足料豐富，湯底嘅味道非常甘香濃郁，魚雲超鮮甜嫩滑，真係超正呀！