鏘鐵板燒日本料理

Open Now

Now Closed

好耐無食好嘢，偷咗啲時間同老公拍吓拖，過吓二人世界，去咗上環商業大廈食新開嘅鐵板燒，品質好高😋今次要咗「🦞龍蝦二人前 - 🐄美國牛肉厚燒及薄燒$2680」🥑牛油果蟹肉沙律好特別嘅沙律，賣相獨特，用上紅菜頭紫椰菜沙律汁，色澤靚，食落新鮮口感🉐🦞澳洲龍蝦十分新鮮大隻嘅龍蝦，好爽口鮮甜，汁料加入洋蔥提升鮮甜，非常好食🉐🎌北海道帶子一樣好鮮甜嘅帶子，帶子兩邊用油煎封，帶子有糖心效果，又軟又鮮味，配上木魚絲櫻花蝦乾清湯，味道更鮮味🉐🍶清酒煮蜆十分清甜又帶酒香嘅煮蜆，有昆布碎、指天椒絲、青檸汁、櫻花蝦乾，味道有層次，有淡淡青檸酸、淡淡指天椒絲辣感，好特別🉐🐠白甘鯛立鱗燒第一次見立鱗燒煮法原來係用熱油淋上魚鱗上，慢慢鱗片就會「企起身」成會立鱗燒，十分香脆，魚身滑溜🉐🐮美國prime grade 牛柳肉眼位做埋薄燒，兩者都十分好食，最特別係醬汁方面，師傅煮得出色，好襯牛肉，食落好解油膩感🉐🍚炒飯有少見嘅高菜漬、櫻花蝦乾，高菜漬好解油膩感，係炒飯靈魂來源，好吸引人食晒成碗飯😋出色👍🏻🉐🥣麵豉湯用上龍蝦頭熬製，鮮味十足🍧甜品最愛又簡單嘅焦糖吐司，香脆香甜，配上罕見又特別嘅士多啤梨益力多綿綿冰，軟滑之餘有益