至尊滿屋日本料理 (Closed)

食食食，莉莉子今日就要盡情食，話說友人最近新屋入伙，大家當然要食得盡興慶祝一番，但友人預算有限，又希望可以食到好多野，放題就會係最好選擇☺️☺️九龍區放題餐廳非常多，價錢亦非常參差，要選擇一間岩自己既放題唔係一件易事。友人愛旺角區+熱食+刺身+小菜要求作為放題優先條件，莉莉子揀左瓊華中心既「至尊滿屋日本料理😎」呢間日式放題有別於其他放題餐廳，提供超過50款產品選擇，又有刺身啦、炸物啦、燒物啦、火鍋啦、特飲啦、手卷啦、壽司啦、汽水啦、甜品啦、生果啦，同埋即叫即炒小菜😻😻😻莉莉子簡單分享下自己叫左咩，俾各位參考下：1. 熱食全部即叫即整好多時好多放題餐廳話就話即叫即整，但其實只係將預先整好既食物就甘加熱，但「至尊滿屋日本料理」就無甘既情況，所有野食即叫即整，特別要讚天津羅蝦炸到超級熱，炸物好爽口，唔會好油，正😊而串燒就更加要一讚啦，友人點左番薯🍠粒、牛舌、燒菠蘿等等，燒菠蘿絕對要encore 外面脆脆地，入面酸甜，好開胃🤪🤪2. 刺身壽司🍣款式多，夠新鮮刺身款式有三文魚、吞拿魚、甜蝦、帶子、赤䲞、象拔蚌，當你揀好哂要既款，廚師會一次過整一大隻刺身船俾你，賣相超級吸引