和氣食堂 (黃大仙中心南館)

Open Now

Now Closed

今日又要上跳舞堂，上堂前同朋友去搵食，揀左呢間好耐冇食過又唔錯既和氣食堂，門口都有人等位，等左陣就有位店內佈滿新年既裝飾同朋友叫左個廣島蠔寄世鍋，包羅萬有裏面有好多樣海鮮，有蝦、蜆、蠔、蟹拑、三文魚，好新鮮，仲有菜同粉絲唔想食太多就叫左個黑松露凍蕃茄沙津，食完好fresh, 好多黑松露，蕃茄好鮮甜食日本野邊少得壽司，叫左鰻魚牛油果卷，上面好多蟹子，鰻魚亦好厚身，有醬汁，牛油果好新鮮，咬落去好有口感，好好味，最鍾意既一碟另外都叫左小食，金蒜燒茄子，本人最鍾意蒜頭，蒜炒咩都覺得好好味，所以呢碟茄子都唔錯，好有蒜味本人亦是雞翼迷，叫左千回火鳥，裏面釀左明太子，外皮燒得好香口又脆，好正最後點少得抹茶甜品，黎個宇治抹茶阿法奇朵有少量抹茶可以加入雪糕內，雪糕超滑溜，抹茶味濃郁，超好味，為呢餐畫上完美既句號。