新南苑雞煲小菜點心 (Closed)

好耐無黎竹園，所以唔知係咪新開張, 見晚餐都好多小菜食, 仲有煲仔飯, 据扒,點心等等, 最後都係叫返晚餐小菜。黃金一口豆腐即炸豆腐，外皮薄又脆, 內裡香滑，食完一粒又一粒, 食唔停口避風塘茄子份量非常多，本身係打算叫多樣小食食下，不過味道不錯加上香口既炸蒜粒，茄子炸粉比較厚，外脆內軟，如果切一條條細條同炸粉再薄少少較好，更易入口。蜜椒薯角牛柳粒水準之作，牛柳超淋，咬兩啖就吞到，薯角又炸到超級脆，重口味的我會希望甜多少少。粉絲蝦煲份量都幾多, 蝦都好新鮮，D粉絲索晒蝦既精華, 成個粉絲蝦煲用黎撈飯相當唔錯。服務態度好好，又推介晚餐俾隔離枱，又問另一邊隔離枱岩唔岩食，好少可餐廳咁好服務，仲要野食味道係唔錯，真心一讚👍🏻👍🏻👍🏻見到隔離枱黃蟮煲仔飯都唔錯，仲好大兜。