Video
Read full review
2017-10-06
219 views
夜晚同屋企人食飯，母親大人話未試過椰子雞煲想試下，加上醫生叫佢戒口，椰子雞煲比起其他火鍋會清d佢都可以食，所以一於帶佢去試下！當晚訂左7點，但6點已經到，諗住都試下去睇下有冇得入座先，好彩都可以。先叫杯飲品，解下渴先。椰子沙冰$32--好飲，即叫即整，有好濃既椰子味。比例啱啱好，唔會飲左d椰子汁d冰冇哂味，成杯都好足料好夠味！沙薑脆豬手$48--比屋企人偷食左一舊先記得影相😵食椰子雞前叫左個小食頂下肚先。豬手唔係平時用滷既方法，係用沙薑個種，所以皮吾係蚊到淋哂，反而係爽口脆身，都夠味，幾特別，好食。原味椰子雞鍋(半隻)$128--終於到今晚既主角！其實侍應係會先倒椰子水落鍋，半隻雞會同椰肉一齊生上，之後落鍋煲，會有漏斗俾你睇時間⏳，漏斗既沙落哂表示d雞已經食得！一開鍋蓋，d椰子香味出哂嚟，先飲2啖湯，好清甜同好香椰子味。d雞啱啱好唔會太老，同埋標榜係文昌雞，唔好有好多肥膏搞到個湯勁油。另有豉油可以點雞食，最鐘意係佢俾埋沙薑、辣椒、青檸，豉油加左d青檸汁即刻唔同哂，唔會太咸又有少少酸味，勁正！如果想再重d椰子味，可以加椰子水，但要收費每次$38。安格斯牛小排(大)$238--食到咁上下，
當晚訂左7點，但6點已經到，諗住都試下去睇下有冇得入座先，好彩都可以。
先叫杯飲品，解下渴先。
3 views
0 likes
0 comments
椰子沙冰$32--
好飲，即叫即整，有好濃既椰子味。比例啱啱好，唔會飲左d椰子汁d冰冇哂味，成杯都好足料好夠味！
5 views
0 likes
0 comments
沙薑脆豬手$48--
比屋企人偷食左一舊先記得影相😵
食椰子雞前叫左個小食頂下肚先。豬手唔係平時用滷既方法，係用沙薑個種，所以皮吾係蚊到淋哂，反而係爽口脆身，都夠味，幾特別，好食。
5 views
0 likes
0 comments
原味椰子雞鍋(半隻)$128--
終於到今晚既主角！其實侍應係會先倒椰子水落鍋，半隻雞會同椰肉一齊生上，之後落鍋煲，會有漏斗俾你睇時間⏳，漏斗既沙落哂表示d雞已經食得！
一開鍋蓋，d椰子香味出哂嚟，先飲2啖湯，好清甜同好香椰子味。d雞啱啱好唔會太老，同埋標榜係文昌雞，唔好有好多肥膏搞到個湯勁油。另有豉油可以點雞食，最鐘意係佢俾埋沙薑、辣椒、青檸，豉油加左d青檸汁即刻唔同哂，唔會太咸又有少少酸味，勁正！如果想再重d椰子味，可以加椰子水，但要收費每次$38。
15 views
0 likes
0 comments
安格斯牛小排(大)$238--
食到咁上下，緊係開始打邊爐。打邊爐點可以冇牛，叫左款牛小排，雪花幾靚，牛味都濃。另有小份$168
12 views
0 likes
0 comments
師傅手打墨魚滑$68、韮菜魚皮餃$48--
墨魚滑ok，新鮮、彈牙，份量都夠。
見到有魚皮餃加韮菜，2樣都係我鐘意既野即刻叫。應該係店舖自家整，平時出面好少見到有呢個口味，韮菜好足，魚皮餃好食，唔會好粉。
17 views
0 likes
0 comments
有機生菜$28--
要叫返個菜食，感覺健康d！雖然只係普通生菜，但色澤靚，唔會俾d霉霉爛爛既你！
原本想叫埋甜品-溶岩南瓜，可惜侍應話呢間舖冇，唯有留返下次去太子食，仲想試埋煲仔飯或者椰子糯米飯！
Post
