Thai Hungry (Closed)

黃埔超正串燒🥰 $80有五串真係好抵食！豬肉同牛肉串燒唔會好難咬開，而且好入味，配上佢哋嘅沙嗲醬真係一啖接一啖！仲有原隻燒雞翼都唔好錯過，燒得金黃香脆又大隻～呢度仲有幾款特色泰國小食，包括鬼汁，係一款泰國河粉，加埋香濃湯底，有好多款餸，豬腩仔、鴨血、豬肚等，如果你平時揀唔到咩餸食呢個就最啱🤣另外仲有泰國嘅燒賣可以試吓，同普通香港燒賣嘅味道好唔同，口感比較結實，而且加入馬蹄😋而且佢哋仲加咗自家製嘅辣醬喺表面!