Video
Read full review
2019-10-04
86 views
紅磡「九重鮮」出名韓式海鮮蒸塔 × 任食自助吧，而且有兩種選擇鷺梁津九重海鮮塔，或者升級版濟州島十重海鮮塔，加埋12蚊就可以任飲韓國啤酒汽水及自製凍飲，簡直超值。今次同朋友嚟一個升級版濟州島10重海鮮塔， 每枱都會送一碟泡菜煎餅，煎餅有泡菜味不太辣，不錯。十重塔嘅海鮮有龍蝦、鮑魚、海蝦、龍躉指天翅、象拔蚌、大花蛤、沙白、日本元貝、 蔬菜拼盤及黑椒鹽肥牛。首先職員會一次過拎曬所有海鮮在一個蒸爐上面，煎到溫度計去到90度之後， 就可以一層一層開始慢慢進食。第一層係象拔蚌及黑椒鹽肥牛，象拔蚌很爽甜，而 黑椒鹽肥牛腍嫩。第二層海蝦及日本元貝，海蝦新鮮彈牙，日本元貝甜美加埋粉絲吸收晒所有甜味精華。第三層龍蝦，份量十足， 龍蝦肉超彈牙，非常新鮮，正!第四層大花蛤、沙白及龍躉指天翅，大花蛤及沙白很鮮甜帶淡淡的海水鹹味，而龍躉指天翅肉滑，有魚味。第五層最後一層有蔬菜拼盤及鮑魚， 粟米南瓜蘿蔔冬菇頭蕃薯都吸收曬海鮮嘅精華，個個都有鮮甜味，而鮑魚爽彈，蒸得剛剛好。另外韓式炸雞即order即炸，仲有三款口味選擇，我就揀咗黑松露炸雞，味道方向黑松露味很香濃，炸雞就一般般，沒太大驚喜。至於任食自助吧， 沙律、甜
今次同朋友嚟一個升級版濟州島10重海鮮塔， 每枱都會送一碟泡菜煎餅，煎餅有泡菜味不太辣，不錯。
十重塔嘅海鮮有龍蝦、鮑魚、海蝦、龍躉指天翅、象拔蚌、大花蛤、沙白、日本元貝、 蔬菜拼盤及黑椒鹽肥牛。
首先職員會一次過拎曬所有海鮮在一個蒸爐上面，煎到溫度計去到90度之後， 就可以一層一層開始慢慢進食。
第一層係象拔蚌及黑椒鹽肥牛，象拔蚌很爽甜，而 黑椒鹽肥牛腍嫩。
第二層海蝦及日本元貝，海蝦新鮮彈牙，日本元貝甜美加埋粉絲吸收晒所有甜味精華。
第三層龍蝦，份量十足， 龍蝦肉超彈牙，非常新鮮，正!
第四層大花蛤、沙白及龍躉指天翅，大花蛤及沙白很鮮甜帶淡淡的海水鹹味，而龍躉指天翅肉滑，有魚味。
第五層最後一層有蔬菜拼盤及鮑魚， 粟米南瓜蘿蔔冬菇頭蕃薯都吸收曬海鮮嘅精華，個個都有鮮甜味，而鮑魚爽彈，蒸得剛剛好。
另外韓式炸雞即order即炸，仲有三款口味選擇，我就揀咗黑松露炸雞，味道方向黑松露味很香濃，炸雞就一般般，沒太大驚喜。
至於任食自助吧， 沙律、甜品、 韓國特色小食、 期間會推出韓式醬油蝦及鮑魚， 簡直多選擇到，樣樣都想試。
任食自助吧，必食推介辣湯魚榚串，味道同韓國街頭小食一樣。 不要錯過韓式醬油蟹及鮑魚，味道真不錯。
最後真係要讚一讚個自助飲品吧，飲品大多數都係韓國品牌， 韓國啤酒款式十分多， 同愛啤酒朋友嚟飲到半打就值回票價。
Post
