潮福蒸氣石鍋 (Closed)

之前見網上啲人介紹食蒸海鮮，但一直都未食過，早幾日終於同家人去咗新蒲崗潮福蒸氣石鍋食好西了。首先，呢間潮福蒸氣石鍋係採用任食制的，但當然海鮮唔係任食啦，其他食物例如手打丸、蒸雞等等就係任食的。一坐低，揀好粥底、燉湯同海鮮後，就有專人來幫我地整定個粥底，我哋揀咗瑤柱鮮淮山粥底，不過個粥底係等最後吸收晒海鮮同其他食材嘅精華之後先可以食的。我揀咗個老黃瓜燉排骨湯，好清甜又足料，好好飲。之後，每人仲有半隻生猛蒸龍蝦，隻龍蝦俾人斬開一半之後都仲係郁下郁下，勁新鮮勁誇張，蒸出來之後好鮮甜，d肉好結實，同d所謂高級酒店自助餐食嗰啲凍冰冰又冇鮮美嘅龍蝦完全唔同。之後仲有幾隻蒸大蜆、青口等，一樣係好鮮甜，然後每人仲有半隻乳鴿，勁滋味～順帶一提，呢度每蒸一樣食材，都係會有專人同你較啱個時間，所以蒸出嚟嘅食物唔駛驚因蒸得太熟而變老。到主菜石鍋蒸海鮮了，大元貝好大隻又鮮美、蒜蓉象拔蚌惹味又爽口，蒸美國石蠔勁大隻，啖啖都係肉，蒸鮑魚都係啱啱好，勁鮮甜，比一般街市買到的size大得多。除此之外，仲有任食嘅蟲草花蒸雞、豬頸肉、和牛粒、手打蝦丸、豬肉丸、牛丸、釀豆卜、釀花菇、馬拉糕、雜菜等等，一定夠食得飽！個人推介手