Lawry's The Prime Rib (Moved) New Location

今日同埋主管同埋同事一齊team lunch，主管話要食好小小，佢就揀左依間比較高級既餐廳黎食，咁我就第一次黎既，所以就聽佢地介紹，揀食牛啦。 其實佢地既set唔係話太多選擇，咁我就揀左Lawry’s special 個個lunch set，前菜有 餐湯或者沙律，主菜我就揀左特級燒牛肉，仲加埋80蚊升級為California cut。同Hong Kong cut 主要分別係塊牛扒係厚一倍既，正！甜品就揀左士多啤梨配雲呢拿雪榚，最後一杯餐飲，價值408元再加一 沙律掛住食唔記得影，但係個沙律係好味既，份量多，而且侍應仲特登拎支凍既叉比你食沙律用。 主菜非常好吃，我叫左medium 既燒牛肉，配左小小薯蓉。燒牛肉超級有牛味，係美國prime 牛黎，熟既程度剛好，牛肉嫩滑，鍾意食牛肉既朋友必試。 之後甜品就比較中規中矩。雖然價錢係比較貴，但間唔中食下好野係必須的。