辛安東元祖奶奶雞 (Closed)

與一班朋友gathering,不想吃放題,韓燒,打邊爐,於是上網搵到呢間餐廳被佢個奶奶雞吸引了,於是一齊去試下餐廳不停播住強勁既k-pop,不過音樂聲太大,要傾計就要大叫先聽到對方講咩 芝士安東奶奶雞可能人多的關係,覺得實際份量不算太大選了小辣,食落更惹味醬汁帶點奶味,食落有creamy既感覺薯粉幾有咬口,幾煙韌,不過一定要食先,否則浸太耐會變到勁咸至於雞就中規矩,未算好入味芝士咖喱年糕第一次食芝士同咖喱呢個組合,原來佢地兩個一齊又幾夾咼咖喱唔辣,味道類似日式咖喱咁,好香濃而芝士有強勁既牽絲效果,但芝士味被咖喱蓋過芝士味道唔濃,一眾芝士控或者會有啲失望呀內裡年糕都幾多,非常煙韌,好有咬口牛肋骨鍋湯底非常濃郁,帶微辣,辣味令湯更加惹味而牛肋骨大大舊,肉超級腍,入哂味不過講到最入味,一定係入面既白蘿蔔,完全吸收哂湯既精華!食到最尾發現在幾條韓式年糕,年糕煙韌但認為同呢個鍋唔太夾燒芝士一口餃子餃子上有厚厚既芝士,芝士味尚算濃郁但餃子細細粒,芝士成了主要味道