Patisserie Tony Wong (Moved) New Location

記得有一次生日，屋企人去咗呢一間蛋糕店買生日蛋糕。上次買咗一個芒果拿破崙蛋糕，我仲記得蛋糕上面有幾多用芒果砌成嘅花，另外仲有一啲朱古力條同金箔裝飾個蛋糕。底層係拿破崙，拿破崙中間有好多嘅吉士醬，同埋脆卜卜嘅餅。先講下啲芒果，芒果係用糖水浸過，就算芒果酸的話，食落口都唔會太難入口。佢多數啲芒果本身都係甜甜地，就算唔加糖都幾好食。講埋個餅底啦，個餅底嘅吉士醬好香滑，配埋落個拿破崙餅嗰度真係一流。整體嚟講成個蛋糕都好好食，美中不足嘅係價錢比較貴。聽講師傅係大酒店嘅廚師，所以收得貴一啲都會係合理的。