金華美食

Open Now

Now Closed

超正的燒賣，行過見到排長龍都起碼有六七個，小食店就剩係得燒賣，魚蛋同埋腸粉。啲人都集中買燒賣，見到佢啲燒賣個皮薄，精度晶瑩剔透，應該都幾好食，不過我又要去餐廳食飯所以經過就冇食到。右手邊為老闆，十分風趣。有講有笑。但係就越諗越想食，一路食飯一路都覺得自己需要留返個肚，去出面試一試呢串燒賣。燒賣買＄5一串，一串有五粒。食落去完全唔係麵粉燒賣，係有魚肉味嘅燒賣。但係呢陣魚一味道又唔會好腥，食落去非常之彈牙，魚肉同埋麵粉一比例真係一絕，好耐都未食過呢一隻甘好食嘅燒賣。相中黑唒圖形嗰樽就係辣油，不要錯過！通常食燒賣都會落辣油，呢隻辣油我就建議唔好落咁多，輕輕點兩下就好，因為呢隻真係非常之辣，食落去有噴火嘅感覺。自覺平時都食得辣的我，不得不甘拜下風。呢個時勢仲有＄5蚊5粒一串嘅燒賣，已經好難得，而個味道仲要咁好，真係覺得好感動。