鮮芋仙 (創紀之城五期(apm))

Open Now

Now Closed

以前喺大陸旅行嘅時候成日都見到鮮芋仙，後尾佢喺銅鑼灣有開店，但因為距離太遠所以冇去，呢間觀塘分店就好近我公司，成日見到好長龍，今日見人少啲就外賣番屋企食～ 環境都唔錯，最貼心係餐牌會講清楚入邊用嘅配料，咁樣選擇起上嚟就非常之方便啦餐牌係非常之多選擇，我個人係非常鍾意食芋圓，同埋要凍，會更加有彈性同爽口呢！呢個天氣食真係好消暑！芋圓一號 $ 45冰芋圓個底係刨冰，熱芋圓湯底係紅豆湯，如果想清爽啲就食凍嘅，不過外賣嘅話都要快啲拎返屋企食啦，如果唔係會溶喔～ 1號有綠豆、蓮子同埋珍珠，呢一個配搭可以清心火，消暑一流，芋圓份量都幾多，有地瓜嘅香味，口感好彈牙有嚼勁，唔會軟晒，質地做得好好👍🏻 珍珠唔會太大粒，所以食落夠味，綠豆同蓮子保持軟綿不夾生，食落好舒服，成碗甜度剛好仙草鮮奶茶 🧋 $ 29嘢飲就叫仙草，感覺比珍珠輕盈少少，畢竟我都食咗一個芋圓珍珠🤣 仙草好香，有種返到台灣嘅古早味，用鮮奶嘅話更加健康，鮮奶質地好滑，奶味香濃，同仙草非常之融合，由於仙草冇得較甜度，所以比較甜，我建議飲凍嘅就啱啱好喇！下次來想食招牌仙草個個！