美心西餅 (Mikiki)

Open Now

Now Closed

今日係表姐細仔百日宴嘅大日子，由於無一早預訂，但喺晚宴先覺得一齊切蛋糕慶祝會比較好，所以我們喺新蒲崗Mikiki商場嘅「美心西餅」買咗兩個鮮果系列蛋糕！我們買咗Rose's鮮果法國士多啤梨果蓉蛋糕嘅頂層舖咗多款鮮果，有芒果、士多啤梨、藍莓同奇異果，而喺正中間位置係用芒果堆砌成一朵花嘅形狀，賣相相當色彩繽紛，鮮果都算幾新鮮，蛋糕嘅質感非常鬆軟，舖滿外層嘅嘅忌廉亦好香甜軟滑，至於中間嗰層就係法國士多啤梨果蓉啫喱夾心！芒果脆脆嘅頂層係用多片超香甜而且好厚身嘅芒果堆砌成一朵大花，賣相非常精緻吸引，蛋糕嘅質感好軟綿，中間嗰層亦係舖滿香甜嘅芒果肉，而底層就係朱古力脆脆做餅底，餅底好脆身，令到口感更加豐富，而且朱古力味亦好香濃！