Video
Read full review
2018-12-02
857 views
大澳花膠專門店 大澳花膠私房菜 Tai O Fish Maw Shop restaurant<大澳花膠專門店 >😍大澳相信好多人都入過 去過既朋友都知 佢其中一樣最出名就係花膠 如果唔係偶遇 我係唔會知 呢間 大澳花膠專門店 除左有花膠買外 . 上層別有洞天 做花膠餐 😆 其實今次已係我第三次食 , 頭一兩次分別係 3,4 年前 , 唔知點解嗰時冇打分享🧐今日行出到大澳 突然就想介紹下 於是就分享下😂 佢係分唔同價錢 唔同價錢都一樣喺從佢個大 menu 揀食物 每一個 category 因應唔同人數可選唔同數量 😋 180 蚊(我上兩次食) 可以食到 普通花膠。 240 蚊可食到中 size花膠 而450 蚊就食到大花膠同朋友一行9 人 就一早預訂呢個 240 蚊餐一試 😍不得不讚 佢提供既咸魚醬 蝦醬 同 xo醬 全部都自家製 整得好香 點乜野食都好正 仲有羅漢果茶 同菊花茶都十分出色 😍 🍴蝦醬豬頸肉🐷🦐一上枱蝦醬好香 食落去夠咸同蝦味 豬頸肉切得偏薄身 但面積大 所以蒸嗰時好入味 😃食落唔會話太油 仲有葱花 🥬榨菜調味 好正🍴洛神花雞翼 🌸🐥超好味既雞翼 首先
<大澳花膠專門店 >😍
大澳相信好多人都入過 去過既朋友都知 佢其中一樣最出名就係花膠 如果唔係偶遇 我係唔會知 呢間 大澳花膠專門店 除左有花膠買外 . 上層別有洞天 做花膠餐 😆 其實今次已係我第三次食 , 頭一兩次分別係 3,4 年前 , 唔知點解嗰時冇打分享🧐今日行出到大澳 突然就想介紹下 於是就分享下😂
佢係分唔同價錢 唔同價錢都一樣喺從佢個大 menu 揀食物 每一個 category 因應唔同人數可選唔同數量 😋
180 蚊(我上兩次食) 可以食到 普通花膠。
240 蚊可食到中 size花膠 而450 蚊就食到大花膠
同朋友一行9 人 就一早預訂呢個 240 蚊餐一試 😍
不得不讚 佢提供既咸魚醬 蝦醬 同 xo醬 全部都自家製 整得好香 點乜野食都好正
仲有羅漢果茶 同菊花茶都十分出色 😍
🍴蝦醬豬頸肉🐷🦐
一上枱蝦醬好香 食落去夠咸同蝦味 豬頸肉切得偏薄身 但面積大 所以蒸嗰時好入味 😃食落唔會話太油 仲有葱花 🥬榨菜調味 好正
🍴洛神花雞翼 🌸🐥
超好味既雞翼 首先佢個雞翼本身好肥美 炸得好香脆🔥個皮爽脆又夠雞油香 入面熱辣辣雞肉軟熟😍 上面嗰 d洛神花醬 酸甜開胃 perfect match , 呢個我每次食都點 好正 😃
🍴花膠魚肚娃娃菜 🥬🐟
超多花膠鋪喺面 d花膠汁煮成既菜汁好香濃同有口感 浸住新鮮既娃娃菜 娃娃菜如果再煮淋 d更好 🙂 仲有軟淋 juicy既冬菇 好好食😍
🍴大澳生水豆腐帶子冬菇😍
外表放得整齊好靚既豆腐 上面鋪左葱花 榨菜 調味🌿 鋪左煙靭既帶子 勁細心薄切既冬菇 (好細心 因為甘先襯做帶子同豆腐中間) 👍🏻最後配上有口感既山水豆腐 十分唔錯 😃
🍴花膠海膽瑤柱沙白蒸蛋 🥚
好香滑既蒸蛋 入面材料豐富 味道唔會話好咸 沙白最多 咬落幾有口感 同新鮮 . 但其實我唔太覺入面有海膽同花膠 可能切到好碎 依俙有印象咬到 d好細粒粒既野 同埋 d甘味 可能就係海膽 😂 但整體口感同蛋香都十分唔錯 撈飯一流😃
🍴自家鹽爆魚肚蟲草花蒸雞🐟🐤
一層塔一層 外表好靚既蒸雞 上面用左炒香既蟲草花🐛🌸加上爽口既冬菇 木耳 蒸雞好夠雞油香 口感都算嫩滑 中間充滿住入味爽口既魚肚 好味
🍴花膠豬腳薑 🐷
絕對諗唔到花膠同豬腳薑會甘 match 👍🏻 豬腳薑竟然唔係用八珍甜醋 係自家用黑糯米同白朮整成 所以夠香甜 仲有 d藥材香 佢既豬腳好滑充滿骨膠原 🐷當然仲有入味既烚蛋 同埋底層既薑都煲得好淋 唔會有根 😃中間既花膠 酸甜多汁入味 超 match值得一試😃
🍴髮菜金蠔紫菜卷😃
用紫菜包住 香濃既金蠔 爽口青瓜🥒同髮菜 好有口感 而且青瓜又可中和金蠔既濃味 底層既芋片好夠香脆 整體好香口惹味 正😃
🍴響螺花膠雞湯 🐤
呢個係每人可點湯 or甜品 我就點左呢個湯 入面落足料 有好多花膠 彈牙響螺 湯底有好香濃雞味😃仲有紀子增加香甜度 好飲
🍴糕點 🙂
雞屎騰 同平時唔同 佢比較黏稠彈牙 甜度比較少 入面有花生 唔錯 仲有班蘭糕 班蘭味香 入面仲有綠豆蓉 但佢又帶 d咸 有 d似潮洲嗰 d茶果 幾好味😃
Score 平均分 <8.3/10>
Taste 味道：👍🏻👍🏻👍🏻👍🏻👍🏻
Present 外觀：👍🏻👍🏻👍🏻👍🏻
Decor&Hygiene 環境衞生：👍🏻👍🏻👍🏻
Value for $ 性價比：👍🏻👍🏻👍🏻👍🏻
Service 服務：👍🏻👍🏻👍🏻👍🏻
~~~~~~~~~~~~~
#大澳花膠專門店
大澳永安街32 號鋪
~~~~~~~~~~~
Post
