RuRu Tapas Restaurant (Closed)

Bookmark左呢間西班牙餐廳好內，見復活節長假期一於去試下😋Openrice 訂座仲有八五折😆呢間餐廳係奧運站行過黎幾分鐘，其實係大角咀附近，餐廳附近環境都幾清靜，好岩同朋友食下tapas , 傾下計。🍷紅酒辣肉腸:$98: tapas 小食，份量剛剛好，睇落好似好油，但食落冇油膩感，辣肉腸煎得好香脆，咸咸香香好惹味。🍺小白花啤酒煮鮮青口$168: 用左新鮮藍青口，雖然細細隻，但係好鮮味，小白花啤酒味道超級出！好特別😆好好食🐷西班牙燒乳豬$288:呢個超級好食！😍即叫即燒，所以等左一段時間，乳豬皮燒得好香脆，肥瘦適中，滿口都係脆豬皮加埋小小豬油香, 難怪係推薦菜色！