Joō de Rolls (Closed)

繼之前係外國食到 churros (即西班牙油條) (又名鬼佬油炸鬼) 之後，係香港都冇乜地方有，外國果啲通常都會係 churros 上面灑糖，簡簡單單已經好好味，好味過香港油炸鬼同牛脷酥 🤤之前見過好多人食呢間 churros 專門店已經好想食 🤤 又乜抹茶又乜士多啤梨 churros，今日終於有機會比 baby 試到！餐廳環境都好舒服好闊落有梳化坐，黎慢慢嘆個 tea 都唔錯 🤓 一坐低就被介紹有新野食，原本想食果啲最後都冇食到 😂 最後食左聽聞最好食最特別既 #西班牙油條熱狗！呢隻 偽熱狗 Churros 咁食法都係第一次見，夾住普普通通既熱狗加埋沙津醬茄汁估唔到又好好食 😍 啲醬好帶到 churros 個味出黎，完全唔夠喉 🙄 除左沙律醬茄汁之外仲有 wasabi 芥末沙律醬揀，呢個食落幾新鮮而且完全唔攻鼻唔辣，食落又好夾好開胃，又係好好食好特別 🤤主食甜品係到一品清！食到呢到最新推出既 #櫻花芭菲！一見到粉紅色，少女心又爆發了，成杯既擺設同造型都好 qq 好靚，由上面開始介紹，先有最好食既 churros，係上面淋左粉紅色既爆炸糖，然後有球櫻花雪糕，真係堅有櫻花味，繼續食落去