牛知己 (Closed)

琴晚放工後趕去元朗牛知己食晚市90分鐘放題，禁晚市堂食前的最後一個晚市啊，緊係要食盡食飽🙂之後禁晚市堂食都唔知會唔會延長呢🙄揀左$268/位既澳洲精選牛板腱+海鮮放題用ipad點餐就得，肉類有多種任叫新鮮牛肉、雞肉、豚肉選擇，海鮮方面有好好味既蟹籽墨魚滑、大虎蝦、原隻白魷魚、紐西蘭半殼青口😋湯底揀左雪濃湯，依個係包埋既免費湯底，淥野吸左d湯底都好正呢😋而自助區都有好多食物可以隨時出去夾有熟食、炸物、火鍋料、壽司、雪糕、甜品、糖水、醬料、飲品等，好豐富🥰講到我係自助區既最愛就係炸物既香脆天婦羅蝦，雪糕既乳酪雪糕、熟食既雞翼，其實食自助區都已經食得好飽呢😆肉類方面我偏愛澳洲精選牛板腱、美國極上牛肩肉，肉類香濃，我地食左好多板牛肉呢😆大虎蝦又大隻又新鮮，好鮮甜肉質結實爽口彈牙😋蟹籽墨魚滑係我打邊爐必叫既一項，依度既墨魚滑打得好好，好彈又夠膠，食落好足料墨魚味香彈牙，必叫啊😋原隻白魷魚都推介呢，一啖一隻既魷魚非常鮮味口感又爽😉