Video
Read full review
2021-09-23
203 views
Casa Margo Casa Margo 係一間位於觀塘嘅樓上Cafe。位置比較偏僻。呢座大廈其實都有好多野食，但離地鐵站有D遠，係牛頭角同九龍灣站嘅中間，好唔就腳。店輔一眼睇哂，得幾個位，好容易坐滿人。加上成間舖得一個chef 同一個侍應，上菜速度並都要將就吓。 Grilled Norwegian Salmon $150 三文魚以午餐黎講都偏大隻。賣相幾靚，擺盤都幾精緻。 三文魚皮唔夠脆，肉質唔柴，中間偏向Medium 嘅熟度，味道鮮甜，但未算係最頂級。 配菜嘅烤薯仔竟然有驚喜。以我認知呢個應該係新薯黎嘅。薯味非常之甜，熟度剛好，非常之軟熟，但又唔會煮得過熟。並保留咗薯皮，令薯仔有多層口感，烤過之後令薯仔有少少嘅脆皮。 醬汁係香草乳酪汁，食落酸好似真係乳酪咁有乳酸味，並有D香草係入面，令成個sauce 清新得黎，同三文魚又幾櫬。 上面有好多黑色粒粒係黑橄欖乾黎嘅，一開始仲以為係提子乾..... Steak & scrambled egg $168 牛排用上嘅係牛臀肉(Pichana also called as Rump )，喺西餐上面比較少見。位於後腿肉上面嘅牛臀肉，肌肉纖維都比
Casa Margo 係一間位於觀塘嘅樓上Cafe。位置比較偏僻。呢座大廈其實都有好多野食，但離地鐵站有D遠，係牛頭角同九龍灣站嘅中間，好唔就腳。
店輔一眼睇哂，得幾個位，好容易坐滿人。加上成間舖得一個chef 同一個侍應，上菜速度並都要將就吓。
Grilled Norwegian Salmon $150
三文魚以午餐黎講都偏大隻。賣相幾靚，擺盤都幾精緻。
三文魚皮唔夠脆，肉質唔柴，中間偏向Medium 嘅熟度，味道鮮甜，但未算係最頂級。
配菜嘅烤薯仔竟然有驚喜。以我認知呢個應該係新薯黎嘅。薯味非常之甜，熟度剛好，非常之軟熟，但又唔會煮得過熟。並保留咗薯皮，令薯仔有多層口感，烤過之後令薯仔有少少嘅脆皮。
醬汁係香草乳酪汁，食落酸好似真係乳酪咁有乳酸味，並有D香草係入面，令成個sauce 清新得黎，同三文魚又幾櫬。
上面有好多黑色粒粒係黑橄欖乾黎嘅，一開始仲以為係提子乾.....
Steak & scrambled egg $168
牛排用上嘅係牛臀肉(Pichana also called as Rump )，喺西餐上面比較少見。位於後腿肉上面嘅牛臀肉，肌肉纖維都比較高，中間嘅脂肪同筋膜(結締組織)都比較少，同牛柳一樣都係主要食佢嘅肉味。
肉質非常嫩滑，好容易切開，肉味非常豐厚，佢側邊有層脂肪，脂香感高得黎又有浸咸香，好似dry age 過咁。熟度係medium rare ，肉又煎到有層脆皮。非常之高質，Cp 值高，值得推介。
炒蛋睇個樣都知非常之滑啦，蛋又加咗奶入去，又更creamy，但就調味不足，未夠咸。，
之後又要重點講吓個跟餐嘅sourdough。Sourdough 聞落有非常香濃嘅麥香，酸度比平時嘅sourdough 高。皮唔韌，包又烘到脆口，又係高分之作。
Grilled Norwegian Salmon
$150
40 views
0 likes
0 comments
Steak & scrambled egg
$168
31 views
0 likes
0 comments
Post
