C+ Burger (Closed)

今日過開嚟西環，本身食咗個魚生飯，但唔係好夠飽，行過呢間漢堡包店，非常之香，見到人哋食到好滋味咁，忍唔住要試吓，我叫咗一個黑松露芝士漢堡配薯條，老公叫咗歐陸漢堡配水牛城雞翼。一咬落去真係不得了，漢堡超級多肉汁，有牛味，完全唔鞋，個黑松露醬加埋啲芝士超香，同漢堡好夾，麵包質地似係法式軟包嗰款，唔會𠝹損口。薯條係粗身嗰隻，好實在薯仔味好香濃，唔係啲急凍咗10年嗰啲，仲有個水牛城雞翼雖然唔係好傳統嗰隻味，但佢呢隻味都好好，雞翼又保留到肉汁！ 而老公個歐陸漢堡其實係多咗隻煎蛋，當然有「強」嘅嘢通常都加分！睇相，不解釋。