Video
Read full review
2020-06-17
115 views
今次專誠入嚟元朗食呢間oyster season, 因為身邊唔少朋友一講開食fine dining，就會提議食呢間，重點係因為啲生蠔係超級新鮮，而且唔貴，所以鍾意食生蠔嘅我就特登入嚟試一試！一去到餐廳，感覺店舖雖然唔大，但坐得舒適，而且個人比較鍾意店舖比較小細嘅餐廳，因為唔會太多人，感覺好壓迫同嘈！我同朋友第一樣就點生蠔，店員介紹咗兩款俾我哋，我一聽到第二款係gillardeau oyster即刻勁開心，因為個人係好鐘意食，而且價錢唔貴，我哋就跟店員意見order....一上枱，見到啲蠔勁肥美又大隻，食落口感豐富，而且甜美，值得一讚！至於招牌蝦餅就係朋友介紹係必點推介，所以我哋都叫咗，雖然望落去好似好細塊，但其實已經啱啱好，太大塊反而食落就會好油膩，而且佢係超足料，好重蟹味，店員介紹如果怕味道單調，可以點一點汁調味，個人認為唔點醬汁都做得唔錯！至於main course，我哋就點咗秘魯香料烤雞，有醬汁同香料配搭，食起嚟多重味道，最重要係烤雞食落好嫰身同夠滑，真係唔係成日食到咁滑身嘅烤雞，所以大家可以一試！最後，少不了嘅當然係我至愛嘅甜品‘’心太軟‘’，朱古力外層甜得嚟再點流出嚟少少苦甘
今次專誠入嚟元朗食呢間oyster season, 因為身邊唔少朋友一講開食fine dining，就會提議食呢間，重點係因為啲生蠔係超級新鮮，而且唔貴，所以鍾意食生蠔嘅我就特登入嚟試一試！
一去到餐廳，感覺店舖雖然唔大，但坐得舒適，而且個人比較鍾意店舖比較小細嘅餐廳，因為唔會太多人，感覺好壓迫同嘈！
我同朋友第一樣就點生蠔，店員介紹咗兩款俾我哋，我一聽到第二款係gillardeau oyster即刻勁開心，因為個人係好鐘意食，而且價錢唔貴，我哋就跟店員意見order....一上枱，見到啲蠔勁肥美又大隻，食落口感豐富，而且甜美，值得一讚！至於招牌蝦餅就係朋友介紹係必點推介，所以我哋都叫咗，雖然望落去好似好細塊，但其實已經啱啱好，太大塊反而食落就會好油膩，而且佢係超足料，好重蟹味，店員介紹如果怕味道單調，可以點一點汁調味，個人認為唔點醬汁都做得唔錯！至於main course，我哋就點咗秘魯香料烤雞，有醬汁同香料配搭，食起嚟多重味道，最重要係烤雞食落好嫰身同夠滑，真係唔係成日食到咁滑身嘅烤雞，所以大家可以一試！最後，少不了嘅當然係我至愛嘅甜品‘’心太軟‘’，朱古力外層甜得嚟再點流出嚟少少苦甘味嘅朱古力，一啲都唔會覺得漏，再配埋個雲呢拿雪糕，又暖又凍，唔同嘅層次，真係好好味！下次再嚟，一定會再點多啲生蠔！
Post
