半唐番到會

Open Now

Now Closed

男友話悶悶地約左班friend係屋企打通宵機，幾個人我都懶得煮，叫左朋友介紹既到會，話呢間試過好食，所以就試下。揀左幾樣菜式，價錢相宜，送黎都係熱既，唔使翻熱都好好食。BBQ 豬仔骨配薯角—豬仔骨好入味，大大舊好抵食，對於佢地班肉食男，係必叫之選。招牌燒烤醬雞翼—寫明招牌一定要試啦，雞翼唔肥膩，應該係煮既時候逼曬D油出黎，我自己靜靜雞都食左5隻。日式紫菜雞卷拼雞肉洋蔥脆圈—之前試過一間洋蔥圈，粉漿太多，今次剛好仲好脆身。叫了一個飯及意粉，佢地話個咖哩夠曬惹味，送飯一流。卡邦尼意粉入面有我最愛的芝士、煙肉，份量都幾多，一D都唔吝嗇。馬來西亞咖哩牛肉飯正宗卡邦尼脆煙肉意大利粉呢間到會負責人都好有禮貌，打左幾次電話問問題都好有心機答，值得一讚。