鋒膳

Open Now

Now Closed

星期三返工返到攰，想食好少少，即興打去鋒膳預約，居然有位，於是馬上由中環岀發去灣仔。坐低點餐，當然係點最有口碑的叉燒飯和焗豬扒飯。午市套餐包是日靚湯——蜜瓜煲響螺。每碗湯都附上一小磈蜜瓜和響螺，有誠意。湯十分清甜，飲得岀沒有添加味精，絕對是足料靚湯，好滋潤。叉燒飯最先送到，叉燒用的是日本宫崎県的快樂豬，配上兩隻九州太陽卵。叉燒半肥瘦，厚切，外皮燒得有蜜糖甜，而肉質就十分鬆化。連我咁怕食肥豬肉嘅，都一食愛上。等待一段時間之後，焗豬扒飯就嚟啦～豬扒都係宫崎快樂豬，但用冇咁肥嘅部分，蕃茄就用温室鮮蕃茄，我仲另追加一隻太陽蛋。焗豬扒飯係炒飯底嘅，飯粒粒分明，好香口。而豬扒配上新鮮蕃茄，一啲肥膩感都冇，好食！總括嚟講，今次的午餐十分滿意，至少我會因為咁而想去試埋佢夜晚嘅功架！