Little Fresh Cafe & Bar

Open Now

Now Closed

一早聽過朋友介紹Little Fresh，今晚出街食飯就諗起要黎呢間。宜家訂位有九折，係FB或IG share仲有人頭減$10。呢度牆上有星星裝飾，又有各式擺設，幾靚。星期一晚呢度都爆場，接近8點已經坐滿，要提早訂位啊。呢度作為一間cafe，食物真係超水準。南瓜野菌湯（$48）南瓜配野菌真係第一次見，竟然都幾夾。野菌有啲似黑木耳口感，味道又唔會太影響到南瓜既甜。芝士煙肉薯泥熱鍋（$68）呢個熱辣辣滾住上，芝士配煙肉從來係最佳拍檔，今次都唔例外，好creamy味道好豐富。南瓜蟹肉芝麻菜意大利飯（$138）個意大利飯都幾有咬牙，配上滿滿的南瓜汁，碟邊仲會有蟹籽，呢個配搭我都係第一次食。個飯都幾juicy，不過可能有點鹹。香草慢煮雞胸配迷迭香莎莎（$158）呢個雞胸驚喜地好好食，唔會韌，唔會咬唔開，反而好爽口，超級推薦。你會感覺到同其他店與眾不同的感覺。仲有球薯蓉，更加飽肚。鐵板朱古力布朗尼配雜莓雪芭（$86）個雪芭上面凍下面熱，上菜的時候會比杯朱古力你，中和雪芭的酸味。個brownie入口即溶，好濃的朱古力味，岩晒朱古力控。