藝 ‧ 文食館 (Closed)

呢間以健康美食為主題的餐廳，根本就係危害人健康為主先真。親眼目睹店員用手收起門口地布後直接攞水杯針水比客人飲！簡直離譜！！直至我出左聲店員先至去換手套，但已經遲左，摸過的水杯就已經摸左照放喺水吧用，完全冇諗過要洗！祝各位晚餐用客好運。食物味道更上一層樓，最出色係"美極味"的龍脷柳，連唔識煮野食的人都冇煮得咁難食。所有蔬菜都冇切過咁大大舊，所以成舊翠玉瓜係生的，D椰菜都係半生的。另一個雞扒餐，隻煎蛋係用鑊窿嚟調味的。呢餐簡直背脊骨落，從未食過咁難食的野，有被虐待的感覺，真係早執早著，唔好再危害人間小生命。