Video
Read full review
2022-01-02
79 views
呢度係一個愛貓之人不能錯過嘅貓貓主題cafe, 本人都期待左好耐，終於趁平日放假黎到朝聖🤭。 貓貓cafe開左半年左右，位於Isquare對面嘅商業大廈，地點好方便。餐廳有色彩繽紛嘅凳仔，同埋好多卡通壁畫，充滿童心。原來呢度d壁畫全部都係店主自己畫架，真係好厲害👍。 一入到去，貓店主“妹妹”就好熱情咁招呼我😊，坐左喺張檯度同我玩🥰。成間店有四隻貓咪， 兩隻英國短毛同兩隻家貓， 性格各有不同， 有d比較嗲，有d就係怕醜仔🤭。 食物方面， 果日下午係以台式同川菜為主。午市套餐包主食、小食同飲品， 價錢都好親民😜。原本諗住去得主題cafe，對食物期望都唔會太高，不過呢間就真係有驚喜😳。 ❤ 紅鳳凰口水雞 好推介呢道菜🏅🏅。口水雞嘅調味係正宗川菜口味， 好多蔥花、芝麻同花生做配料，麻香味十足。 雞肉有雞髀同雞胸部位，份量唔少，而且入曬味，肉質嫩滑。另外附送蘿蔔湯，味道好清甜，係冇味精嘅，就咁飲或者撈飯都好正👍。 ❤ 家鄉黑毛豬肉燥拌稻庭烏冬 肉燥肥瘦適中，麻醬係喺麵下面，所以撈勻食味道先夠濃郁。烏冬就正常發揮，都幾彈牙。 ❤ 花枝丸 炸花枝丸入面唔止得魚漿，仲有少少墨魚粒粒，增加嚼勁。 ❤ 胡
貓貓cafe開左半年左右，位於Isquare對面嘅商業大廈，地點好方便。餐廳有色彩繽紛嘅凳仔，同埋好多卡通壁畫，充滿童心。原來呢度d壁畫全部都係店主自己畫架，真係好厲害👍。
一入到去，貓店主“妹妹”就好熱情咁招呼我😊，坐左喺張檯度同我玩🥰。成間店有四隻貓咪， 兩隻英國短毛同兩隻家貓， 性格各有不同， 有d比較嗲，有d就係怕醜仔🤭。
食物方面， 果日下午係以台式同川菜為主。午市套餐包主食、小食同飲品， 價錢都好親民😜。原本諗住去得主題cafe，對食物期望都唔會太高，不過呢間就真係有驚喜😳。
❤ 紅鳳凰口水雞
好推介呢道菜🏅🏅。口水雞嘅調味係正宗川菜口味， 好多蔥花、芝麻同花生做配料，麻香味十足。 雞肉有雞髀同雞胸部位，份量唔少，而且入曬味，肉質嫩滑。
另外附送蘿蔔湯，味道好清甜，係冇味精嘅，就咁飲或者撈飯都好正👍。
❤ 家鄉黑毛豬肉燥拌稻庭烏冬
肉燥肥瘦適中，麻醬係喺麵下面，所以撈勻食味道先夠濃郁。烏冬就正常發揮，都幾彈牙。
❤ 花枝丸
炸花枝丸入面唔止得魚漿，仲有少少墨魚粒粒，增加嚼勁。
❤ 胡麻萵筍
呢個係頗出色嘅一款小食，喺其他餐廳比較少見。萵筍翠綠爽甜，配上胡麻醬，味道好夾，成為一道台式風味嘅開胃小食😋。
❤ 茉香珍珠
好大一杯，茉莉花香撲鼻，珍珠亦都軟硬適中。貓貓似乎都好鐘意呢杯飲品，經常徘徊左右🤣。
❤ 冬瓜茶
嗌左杯熱冬瓜茶，同外賣茶飲店嘅口味好唔同，唔會有過甜嘅糖漿味。原來呢個冬瓜茶係店主自家製嘅，入面仲有一粒粒嘅新鮮冬瓜，真係好有誠意☺️。
總括黎講，呢間係我會再次幫襯嘅餐廳😚，呢度食材好新鮮而且味道唔錯，睇得出店主好用心經營。 除左餐牌上面嘅食物，仲有afternoon tea set、私房菜、到會或者盆菜預訂😋
Post
