紅茶冰室 (Closed)

是日黎到荃灣，突然之間想食蕃茄通，所以就黎openrice睇下邊到有得食，發現原來呢區都有唔少冰室，而呢間「紅茶冰室」原來都幾出名，所以打算黎試下。呢到既裝潢好有舊式茶記既感覺, 門口仲有新鮮出爐既麵包賣添，因為今日係為蕃茄通而黎，所以黎到就當然叫左個King 餐，有蕃茄通啦，北海通牛乳炒蛋，牛油厚多士，飲品方面就叫左個熱華田。蕃茄通湯底蕃茄味超濃，酸酸甜甜咁好開胃，而北海道牛乳炒起既蛋真係好滑，兩者既配搭真係好夾，如果可以加片火腿，咁就完美啦。雖然門口有好多人排緊隊，但係店員都無催客人埋單，等我地可以慢慢坐，嘆埋杯熱飲先走，真係好啦。