春水堂人文茶館 (創紀之城五期(apm))

Open Now

Now Closed

屋企人提議食呢間做晚餐，下晝四點嘅時候已經見到餐廳外面有人等緊， 所以未夠六點鐘，我哋又去排隊喇 。大致上都要排六七張枱 ，等咗15分鐘左右都入到去， 好彩。宇治抹茶凍飲窿窿嘅抹茶味道 ，稍帶苦味，我自己偏好較重奶味嘅抹茶牛奶。珍珠奶茶少冰微糖我欣賞這個珍珠奶茶， 茶味同奶調配得 做得好平衡 ，做到茶香細滑嘅效果。 微糖的糖粉對於我嚟講係啱啱好。珍珠係偏小的， 佔咗全杯五份之二嘅份量， 而且彈牙有口感。金沙芋泥丸香脆嘅芋泥搓成球，中間包住鹹蛋奶黃餡。芋泥嘅味唔算好強， 中間嘅餡就做得幾香有鹹蛋黃味 ，又唔會太甜， 食得過。慢煮豬手這個是超淋嘅豬手😋， 基本上已經煮到皮、肉、骨分離。 口感方面冇得彈 而且好入味 。這個豬手嘅香料味比較重，會食到好濃烈嘅花椒八角味， 如果唔喜好花椒八角嘅朋友就要留意不要叫。牛骨濃湯牛肉麵清湯牛肉麵， 有三大塊牛肉， 分量係足夠嘅 。湯底稍嫌唔夠味， 應該紅燒牛肉麵會比較好食啲。