Video
Read full review
2022-02-04
50 views
《Wagyu Ya》呢次同朋友嚟到呢間專食和牛既餐廳🤤 環境唔大但坐得幾舒適，店員友善熱心～ 佢地有個special tasting menu 係和牛宴，真係岩晒牛魔王😋 🍭SPECIAL TASTING MENU($888/1)-和牛沙律好快就上咗個沙律！同平時唔同既係佢有幾片和牛喺度，和牛好嫩滑可口～ 蔬菜新鮮，再加少少麻醬真係好好味！我地好快就清晒成碟😂-和牛紫蘇天婦羅總共有六小件～ 每件均點綴咗少片金箔，增加視覺效果！味道方面，紫蘇既味有少少搶咗和牛既味，不過亦成功減低和牛既油膩感！兩者一齊食做到外脆內軟！-和牛鵝肝三文治絕對係睇得又食得之作！烘脆既麵包包住厚切和牛同鵝肝🤤 再加埋金箔成個畫面好靚！一齊食真係成日油香味😆 所以接下嚟店員俾咗碟酸酸甜甜既漬蕃茄仔做間場沖一沖走啲油膩感～ -和牛拼盤包括牛舌，西冷，肉眼，牛三角，薄燒各兩片～ 店員叫我地先燒肉眼，之後燒西冷，牛舌，最後先燒牛三角～因為牛三角係最肥最爆油～ 並溫馨提示我地要點wasabi 漬去減低油膩感～ 因為佢地啲牛好新鮮好靚～ 油脂分佈均勻～ 所以味道都係無得輸～ 店員會幫手燒薄燒因為最難燒，點埋生雞蛋真係正🤤-和
呢次同朋友嚟到呢間專食和牛既餐廳🤤 環境唔大但坐得幾舒適，店員友善熱心～ 佢地有個special tasting menu 係和牛宴，真係岩晒牛魔王😋
🍭SPECIAL TASTING MENU($888/1)
-和牛沙律
好快就上咗個沙律！同平時唔同既係佢有幾片和牛喺度，和牛好嫩滑可口～ 蔬菜新鮮，再加少少麻醬真係好好味！我地好快就清晒成碟😂
-和牛紫蘇天婦羅
總共有六小件～ 每件均點綴咗少片金箔，增加視覺效果！味道方面，紫蘇既味有少少搶咗和牛既味，不過亦成功減低和牛既油膩感！兩者一齊食做到外脆內軟！
-和牛鵝肝三文治
絕對係睇得又食得之作！烘脆既麵包包住厚切和牛同鵝肝🤤 再加埋金箔成個畫面好靚！一齊食真係成日油香味😆 所以接下嚟店員俾咗碟酸酸甜甜既漬蕃茄仔做間場沖一沖走啲油膩感～
-和牛拼盤
包括牛舌，西冷，肉眼，牛三角，薄燒各兩片～ 店員叫我地先燒肉眼，之後燒西冷，牛舌，最後先燒牛三角～因為牛三角係最肥最爆油～ 並溫馨提示我地要點wasabi 漬去減低油膩感～ 因為佢地啲牛好新鮮好靚～ 油脂分佈均勻～ 所以味道都係無得輸～ 店員會幫手燒薄燒因為最難燒，點埋生雞蛋真係正🤤
-和牛樱花蝦舞茸釜飯
其實食完前面嗰啲都有啲飽～ 好彩個飯唔算多～ 但佢啲珍珠米加埋牛醬汁真係勁香口，我唔太食飯既都破戒食下食下就清咗好鬼多🙈
-麵豉湯
-Daily Dessert
係日本士多啤梨加每人一樽煎糖牛奶布甸🤤 布甸口感比一般布甸紮實，有香濃牛奶味，超好食！士多啤梨好鮮甜，正！
Post
