Video
Read full review
2022-09-02
240 views
又係一年一度同朋友慶祝生日嘅日子，我哋都鍾意食西班牙菜🇪🇸，所以揀咗位於中環蘭桂坊嘅「Desire Restaurant and Bar」。餐廳無華麗嘅裝修，不過暗色系燈光又令佢幾有格調✨。另一邊廂，老闆以至每一位店員嘅服務態度專業，非常有禮，待客以誠，抵讚！老闆主動向我哋介紹呢度嘅招牌菜，其實每款都好吸引，好鬼難揀，就一於聽佢發辦😛。食物份量好多，好彩好味道，否則我哋一定食唔晒。餐廳除咗主打西班牙菜，亦同時係日式居酒屋🏮，佢更推出咗清酒小食套餐。我嗌咗肉丸拼山吹GOLD熟成古酒($438)，琥珀色好耀眼，酒味都烈，但甜味亦同樣突出，仲帶少少菠蘿果香🍍。睇返餐牌知道呢枝酒係久經歲月陳釀，起碼成十年。自家製燒汁肉丸(原價$108)，🐷肉丸一客有三大粒，肉質富咬口，帶點彈性。燒汁混入咗蕃茄蓉同提子乾，惹味得嚟唔會太鹹，並能吊出肉香。紅酒煮西班牙辣肉腸($88)，西班牙辣肉腸質感類近台灣腸，外皮微脆且煙韌。🍷紅酒汁好香兼開胃，再加埋腸本身辣辣哋，佐酒一流。是日精選凍湯($78)，凍湯係西班牙嘅特色菜，湯品甜味來自紅菜頭，味道天然，紫紅色靚靚💜。面頭白色嗰堆係乳酪，撈埋一齊飲好搭調。餐廳現時做
又係一年一度同朋友慶祝生日嘅日子，我哋都鍾意食西班牙菜🇪🇸，所以揀咗位於中環蘭桂坊嘅「Desire Restaurant and Bar」。
餐廳無華麗嘅裝修，不過暗色系燈光又令佢幾有格調✨。另一邊廂，老闆以至每一位店員嘅服務態度專業，非常有禮，待客以誠，抵讚！
老闆主動向我哋介紹呢度嘅招牌菜，其實每款都好吸引，好鬼難揀，就一於聽佢發辦😛。食物份量好多，好彩好味道，否則我哋一定食唔晒。
餐廳除咗主打西班牙菜，亦同時係日式居酒屋🏮，佢更推出咗清酒小食套餐。我嗌咗肉丸拼山吹GOLD熟成古酒($438)，琥珀色好耀眼，酒味都烈，但甜味亦同樣突出，仲帶少少菠蘿果香🍍。睇返餐牌知道呢枝酒係久經歲月陳釀，起碼成十年。
自家製燒汁肉丸
$108
4 views
0 likes
0 comments
紅酒煮西班牙辣肉腸
$88
3 views
0 likes
0 comments
是日精選凍湯
$78
4 views
0 likes
0 comments
餐廳現時做緊生蠔推廣，只要人均消費滿$200，就可加$8換購一隻Irish Rock Oyster🦪，仲要無限加幾多隻，鍾意食蠔嘅就有福了。生蠔幾肥美，口感夠Creamy，有淡淡海水味。
精選芝士及凍肉拼盤配酸種麵包
$248
4 views
0 likes
0 comments
餐廳所提供嘅餐包係酸種麵包🥖，麥味幾香又鬆軟，特別係深色嗰隻，帶少少甜味。如果唔係咁飽，我會想Encore。
慢煮和牛面頰肉配焦糖洋蔥
$288
4 views
0 likes
0 comments
巴斯克焦香芝士蛋糕
$58
5 views
0 likes
0 comments
食到咁上下老闆仲請我哋飲啖茶，清清味蕾。呢隻茶係澳洲品牌T2嘅Lemongrass and Ginger Loose Leaf🍵，香茅味道清新，薑味甘甘哋，飲落好暖喉。呢隻茶冷飲抑或熱飲都OK。
題外話，餐廳雖然燈光暗，但影相出嚟嘅效果都唔錯📸，而且靚女店員影相技術高超。
總括嚟講，餐廳各方面都好平均，呢餐生日飯我哋食得好開心👯♀️😊。小插曲一則，我訂枱時唔記得講低慶祝生日，本身店員話寫生日碟要早一日準備，但最終餐廳好好，成功為我哋安排到，實在大感激🙏🏻。簡單講，餐廳值得推介🌟！
Post
