forte (Closed)

一直都想再去食自助餐滿足一下口腹，今日放假即約好友嚟呢間食，餐廳環境舒適，檯與檯之間寬闊唔迫自助吧好多美食，冷盤有冰鎮鮑魚、長腳蟹、青口、大蝦、龍蝦仔、大蜆、蟹、賴尿蝦等等，款式勁多仲有多款壽司魚生刺生沙律區有好多冷盤，各式各樣煙燻肉及小食仲有炸物焗生蠔各樣海鮮都好鮮甜美味，尤其係東風螺及大蜆好鮮甜鮑魚大大隻又爽口彈牙沙律煙燻款式都多，每款都好新鮮主角就係每人可選配一款扒類，我就加錢選了澳洲m4和牛肉眼扒，油脂適中美味，咬落牛味香濃，肉質嫩腍無筋，真係抵食最後記得留肚食甜品，多款布甸、奶凍、葡撻及啫喱都有，仲有多款口味哈根大使雪糕任食